24/06/09

Mostra su Salvatore Di Giacomo



Illustrazioni realizzate per la mostra “I colori di Salvatore Di Giacomo: omaggio al poeta napoletano” organizzata dall'associazione Kolibrì al PAN di Napoli. La mostra è ormai passata(è finita a Maggio)...ma queste sono le illustraz con le quali ho partecipato.


PE LA VIA

Nu cane sperzo pe mmiezo Tuleto
(ve pararrà n' esaggerazzione)
m' ha fatto tale e tanta mpressione
ca manco nzuonno stongo cchiù cuieto.

Lu malumore e la cumpassione
me fanno sbarià quanno me sceto;
me pare tanno de vederme arreto
stu cane c’ha perduto lu patrone.

Chella sera chiuveva. Arreparato
stev' isso, sotta sott' a nu barcone,
sicco, nfuso, abbeluto e appaurato.

Pecché me so' fermato a lu puntone?
Pecché a guardarlo me songo vutato?...
Vuie vedite!... Che brutta mpressione!





AMICE, SI VE DICE...

Amice, si ve dice
ca è stata colpa mia,
ve dice na buscia:
nun 'a credite.

Si fa vedé ca chiagne,
ca strilla o se dispera,
sta nziria nun è overa:
è fìnta, è fìnta!

So' nierve? Embè, sti nierve
ll' hanna passà, mmalora!
'E nierve ogne mez' ora»!
Essì! Tu vide!...

Basta, si vo' fa' pace...
Che v' aggia di'?... Va bene...
Spiàtele a c' ora vene —
i' ccà ll' aspetto.